Qlobal axtarış
"Birİnci" insanlığın müxtəlif sahələrdə əldə etdiyi nailiyyətlərini, ümumbəşəri dəyərlərini və mühüm kəşf və ixtiralarını toplayıb gələcək nəsillərə bilik və ilham mənbəyi kimi ötürən bir bilik ocağıdır. Fəaliyyətlərimiz sayəsində daim zənginləşən etibarlı bir bilik mənbəyinə çevrilməyi hədəfləyirik.
Məramımız insanlığın əsrlər boyu elm və texnologiya, ədəbiyyat və incəsənət sahələrində qazandığı nailiyyətlər, formalaşdırdığı ümumbəşəri dəyərlər, yetişdirdiyi görkəmli şəxsiyyətlər, eləcə də mühüm kəşf və ixtiralar haqqında dəyərli bilikləri toplamaq, sistemləşdirmək və gələcək nəsillərə bilik, ibrət və ilham mənbəyi kimi ötürməkdir
İnsanlığın zəngin bilik və mənəvi irsini qoruyan, onu hər kəs üçün əlçatan və anlaşıqlı edən, keçmişin təcrübəsini bu günün düşüncəsi ilə birləşdirərək gələcək nəsilləri öyrənməyə, düşünməyə, yaratmağa və daha yaxşı gələcək qurmağa ruhlandıran etibarlı və daim zənginləşən bilik ocağına çevrilmək
Ocağın fəaliyyətinin təməlində biliyə, insana və insanlığın yaratdığı zəngin irsə hörmət dayanır. Məram və vizyonumuzu həyata keçirərkən aşağıdakı əsas dəyərləri rəhbər tuturuq.
Biliyi insanlığın ən qiymətli sərvətlərindən biri hesab edirik. Əsrlər boyu elm, texnologiya, ədəbiyyat, incəsənət və digər sahələrdə toplanmış biliklərin qorunmasına, sistemləşdirilməsinə və gələcək nəsillərə çatdırılmasına çalışırıq.
Biliyin dəyəri onun həqiqətə söykənməsindən başlayır. Təqdim etdiyimiz məlumatların düzgün, obyektiv və etibarlı olmasına, mümkün qədər mötəbər mənbələrə əsaslanmasına xüsusi önəm veririk.
Biliyi yalnız toplamaq deyil, onu paylaşmaq və insanları öyrənməyə həvəsləndirmək də əsas məqsədlərimizdəndir. İnanırıq ki, maariflənmə insanın dünyagörüşünü genişləndirir, düşüncəsini zənginləşdirir və cəmiyyətin inkişafına xidmət edir.
İnsan ləyaqəti, ədalət, dürüstlük, mərhəmət, qarşılıqlı hörmət və məsuliyyət kimi dəyərləri sağlam cəmiyyətin mənəvi təməli hesab edirik. Biliyin insanı yalnız daha məlumatlı deyil, həm də daha müdrik və məsuliyyətli etməli olduğuna inanırıq.
Keçmiş nəsillərin yaratdığı elmi, ədəbi, mədəni və mənəvi irs bu günümüzü formalaşdıran böyük sərvətdir. Bu irsi öyrənməyi, qorumağı və gələcək nəsillərə çatdırmağı özümüzə mənəvi borc bilirik.
Biliyin sadəcə qəbul edilməsini deyil, düşünülərək dərk olunmasını vacib sayırıq. İnsanları sual verməyə, araşdırmağa, müxtəlif baxışları müqayisə etməyə, səbəb-nəticə əlaqələrini anlamağa və əsaslandırılmış nəticələr çıxarmağa təşviq edirik.
Bilik yalnız keçmiş haqqında məlumat verməməli, həm də gələcəyi yaratmağa ilhamlandırmalıdır. Ocağın insanları öyrənməyə, düşünməyə, yaratmağa və daim inkişaf etməyə ruhlandıran bir məkan olmasını istəyirik.
